काठमाडौं । डा. गोविन्द केसीले सरकारसँग सात बुँदे सहमति भएसँगै अनशन तोड्नु भएको छ ।
बिभिन्न माग राखेर बिहीबारदेखि कैलालीको धनगढीमा अनशनमा बस्नु भएका केसीसंग सरकारले आज सात बुँदे सहमति गरेको छ । सरकारले गठन गरेको वार्ता टोलीसँग सात बुँदे सहमति भएसँगै केसीले सोमबार साँझ अनशन तोड्नु भएको हो ।
डा. केसीका मागबारे छलफल गर्न शिक्षा मन्त्रालयका सचिवको नेतृत्वमा सरकारी वार्ता टोली शनिबार धनगढी गएको थियो ।
सहमति पत्रमा शहीद दशरथ चन्द स्वास्थ्य विज्ञान विश्वविद्यालय गेटा कैलालीमा कम्तिमा ३०० शैयाको अस्पताल सञ्चालनका लागि विश्वविद्यालयले तत्काल प्रक्रिया अगाडि बढाउने, विश्वविद्यालय सभाबाट पारित भए बमोजिम एमबीबीएस लगायतका शैक्षिक कार्यक्रम सञ्चालनका लागि फ्याकल्टी, जनशक्तिको भर्ना, पाठ्यक्रमको स्वीकृति लगायतका शैक्षिक तयारी तुरुन्त पूरा गर्ने उल्लेख छ।
