काठमाडौँ। सट्टेबाजी तथा अभौतिक मुद्राको कारोबारमा संलग्न रहेको आरोपमा प्रहरीले एक जनालाई पक्राउ गरेको छ ।
पक्राउ पर्नेमा काठमाडौंको बूढानीलकण्ठ नगरपालिका १२ बस्ने ४१ वर्षीय प्रेम थापा छन् । उनलाई शुक्रबार साँझ काठमाडौं महानगरपालिका ११ भद्रकालीबाट पक्राउ गरिएको जिल्ला प्रहरी परिसर काठमाडौंका प्रवक्ता प्रहरी उपरीक्षक दानबहादुर थापाले जानकारी दिए ।
प्रहरीले उनको साथबाट मोबाइल ४ थान र ल्यापटप १ थान बरामद गरेको छ । प्रारम्भिक अनुसन्धानका क्रममा उनले 1xbet, IXBET PARTNERS MobCash Application बाट सट्टेबाजी गरी/गराई हालसम्म २ करोड ७३ लाख ४३ हजार १७२ रुपैयाँभन्दा बढीको कारोबार गरेको पाइएको छ ।
काठमाडौं जिल्ला अदालतबाट ५ दिनको म्याद थप अनुमति लिई अनुसन्धान भइरहेको प्रहरीले जनाएको छ ।
