काठमाडौँ। नवनियुक्त उद्योग, वाणिज्य तथा आपूर्तिमन्त्री दीपक साहले पदभार ग्रहण गरेका छन्। बिहीबार शपथ ग्रहण गरेलगत्तै सिंहदरबारस्थित मन्त्रालयमा पुगेर उनले आफ्नो जिम्मेवारी सम्हालेका हुन्।
पदभार ग्रहण गरेपछि सञ्चारकर्मीहरूसँग कुरा गर्दै मन्त्री साहले बजारमा देखिएको ग्यास अभावको समस्या समाधान गर्ने विषय आफ्नो पहिलो प्राथमिकतामा रहेको बताए।
उनले यस विषयमा मन्त्रालयका कर्मचारी तथा निवर्तमान मन्त्री गौरीकुमारी यादवसँग आवश्यक छलफल गरेर मात्र थप योजना र कार्यक्रम अघि बढाउने जानकारी दिए।
प्रधानमन्त्री वालेन्द्र शाहको सिफारिसमा राष्ट्रपतिले साहलाई बिहीबार नै उद्योग, वाणिज्य तथा आपूर्तिमन्त्रीमा नियुक्त गरेका थिए। मन्त्री साहले पदभार ग्रहण गरेलगत्तै मन्त्रालयका कर्मचारीहरूसँग छलफल सुरु गरेका छन्।
