काठमाडौं। नेपाली कांग्रेसको आगामी महाधिवेशनसँगै पार्टीभित्र नेतृत्वसँगै राजनीतिक संस्कारबारे बहस पनि चर्किएको छ।
कांग्रेस केन्द्रीय सदस्य बिनिता खड्काले पार्टीलाई व्यवहारमा नागरिकसँग जोड्ने गरी काम गर्ने संस्कार विकास गर्नुपर्ने बताएकी छन्।
खड्काका अनुसार कांग्रेसको प्रभाव नाराको शैलीले होइन, नीतिको स्पष्टता र त्यसबाट देखिने परिणामले स्थापित हुनुपर्छ। पदलाई प्रतिष्ठाभन्दा जिम्मेवारीका रूपमा बुझ्ने राजनीतिक संस्कार आवश्यक रहेको उनको भनाइ छ।
“नाराभन्दा नीति, भाषणभन्दा परिणाम र पदभन्दा जिम्मेवारीलाई प्राथमिकता दिने राजनीतिक संस्कारको विकास गरौँ। कांग्रेस चुनावको समयमा मात्र देखिने होइन, नागरिकलाई समस्या पर्दा भरोसा गर्न सकिने पार्टी बन्नुपर्छ।” विनिताले भनिन् ।
कांग्रेसलाई चुनावकेन्द्रित गतिविधिबाट बाहिर निकालेर समाजसँग जोड्ने र नागरिकको भरोसा पुनःस्थापित गर्ने विषय समेत पार्टीको बहसमा प्रवेश गर्नुपर्ने बिनिता बताइन्।
