काठमाडौं। पृथ्वी राजमार्ग अवरुद्ध भएपछि काठमाडौं उपत्यका भित्रिने मालवाहक ट्रक तथा कन्टेनरहरू अलपत्र परेका छन्।
भारी वर्षाको चेतावनीका कारण सरकारले राजमार्गमा आवागमनमा रोक लगाएपछि बल्खुदेखि कलंकी सडक खण्डमा चार दिनदेखि ट्रकहरूको लामो लाइन लागेको छ।
राजमार्गका विभिन्न स्थानमा खसेको पहिरो पन्छाउने काम निरन्तर जारी छ। राजमार्ग अवरुद्ध हुँदा तराई र भारतबाट खाद्यान्न, दैनिक उपभोग्य वस्तु र व्यापारिक सामग्री बोकेर काठमाडौं आएका सयौं ट्रकहरू बाटोमै रोकिएका हुन्।
