८ कात्तिक,काठमाडौं। मोरङमा केन्द्रीय अनुसन्धान ब्यूरोका प्रमुख दिपक थापाको फोटो र नाम अनाधिकृत रुपमा प्रयोग गरि धम्की दिएको आरोपमा एक युवकलाई प्रहरीले पक्राउ गरेको छ।
त्यसरी धम्की दिने कार्यमा संलग्न रहेको अभियोगमा मोरङ विराटनगर महानगरपालिका–१ ठुलो मिल चोक बस्ने ३० वर्षीय हमकुमार खड्कालाई मंगलबार प्रहरीले पक्राउ गरेको हो ।
सीआईबी प्रमुख समेत रहेका थापाको तस्बिर ट्रयु कलर एपमा नामसमेत राखी विभिन्न बित्तिय संस्थासहित व्यक्तिलाई फोन गरेको भनी धाकधम्की दिने खड्कालाई बिराटनगर–१ ठूलो मिल चोकबाट पक्राउ गरी जिल्ला प्रहरी कार्यालय मोरङमा जिम्मा लगाइएको छ।
यसैबीच सीआईबीले आफ्ना कार्यालयका कुनै पनि कर्मचारीका नाममा त्यसरी फोन आएको वा धम्की दिएको पाइए जानकारी गराउनका लागि सर्वसाधारणलाई सूचना गरेको छ।
