१३ कार्तिक, काठमाडौँ। आईसीसी विश्वकप लिग २ अन्तर्गत आज राति नेपाल र स्कटल्यान्डबीच महत्वपूर्ण खेल हुँदैछ । अमेरिकामा जारी यो लिगमा नेपाल लगातारको हारबाट उन्मुक्ति पाउन स्कटल्यान्डलाई पराजित गर्ने लक्ष्यमा छ ।
अमेरिकामा चलिरहेको लिग २ का यि खेलहरुमा पहिलो खेलमा नेपाल अमेरिकासँग तीन विकेटले पराजित भएको थियो । आज नेपाल स्कटल्याण्डलाई पराजित गरी निरन्तरको हारबाट जोगिन चाहन्छ । स्कटल्याण्ड र नेपालबीचको खेल आज राति सवा ९ बजेबाट सुरु हुनेछ ।
गत फेब्रुअरीमा नेदरल्यान्ड्सलाई ९ विकेटले हराएको नेपाल त्यसयता कुनै पनि खेलमा जित हासिल गर्न सकेको छैन । यस निराशाजनक प्रदर्शनसँगै नेपाल अंकतालिकामा सातौँ स्थानमा रहेको छ ।
आजको खेल नेपाली समय अनुसार राति ९:१५ बजे सुरु हुनेछ । यस खेलमा नेपालले आफ्नो पुरानो लय फर्काउने र लिग २ मा आफ्नो प्रदर्शन सुधार्ने आशा राखेको छ ।
