टिकटकले ६० मिनेटसम्मका भिडिओहरू अपलोड गर्ने नयाँ सुविधाको परीक्षण थालेको छ । फिचर केही देशका निश्चित प्रयोगकर्ताहरूका लागि उपलब्ध गराइसकेको छ ।
युट्युबका दर्शकलाई आकर्षित गर्न टिकटकले यस्तो रणनीतिमा काम गरेको टेकक्रन्चले जनाएको छ ।
यो फिचर कहिलेसम्म विश्वव्यापी रूपमा उपलब्ध हुन्छ भन्ने विषयमा भने स्पष्ट जानकारी छैन ।
यो परीक्षण पहिलो पटक सोसल मिडिया कन्सल्टेन्ट म्याट नाभारा ले पत्ता लगाएका हुन् । उनले ६० मिनेट लामो भिडिओ अपलोडका लागि टिकटकले काम गरिरहेको भन्दै स्किृनशट शेयर गरेका छन् ।
