२५ कार्तिक, काठमाडौं। नेपालले आईसीसी महिला यु-१९ विश्वकपको एसिया छनोटमा आइतबार थाइल्यान्डविरुद्ध १०६ रनको फराकिलो जित निकालेको छ।

जितसँगै चार खेलमा ६ अंक जोडेको नेपाल दोस्रो स्थानमा छ। यसअघि थाइल्यान्डलाई ६७ र कुवेतलाई १०८ रनले हराएको नेपालले घरेलु टोली युएईविरुद्ध १३ रनको पराजय बेहोरेको थियो। नेपालले पहिलो र दोस्रो खेलमा क्रमशः थाइल्याण्ड र कुवेतलाई हराएको थियो । तेस्रो खेलमा भने नेपाल यूएईसँग १३ रनले पराजित भएको थियो । थाइल्याण्डको यो तेस्रो हार हो ।

आफ्नो चौथो खेलमा नेपालले दिएको १ सय ४० रनको लक्ष्य पछ्याएको थाइल्याण्ड १६ ओभरमा ३३ रनमै अलआउट भयो । उसका कुनै पनि ब्याटरले दोहोरो अंकमा समेत रन बनाउन सकेनन् । थाइल्याण्डका ६ ब्याटर शून्यमै आउट भए । नेपालका लागि कुसुम गोदारले तीन, रिया शर्मा र रचना चौधरीले दुई/दुई र कप्तान पूजा महतोले एक विकेट लिइन् ।

त्यसअघि यूएईको द सेभेन रंगशालामा टस जितेर ब्याटिङ रोजेको नेपालले निर्धारित २० ओभरमा ९ विकेट गुमाउँदै १३९ रन बनायो । नेपालका लागि साना प्रवीनले सर्वाधिक ५३ रन बनाइन् । ४६ बलको सामना गरेकी उनले सात चौका प्रहार गरिन् । जारी प्रतियोगितामा यो सानाको पहिलो अर्धशतक हो । यस्तै, सावित्री धामीले २८ र सोनीले पाख्रिनले १९ रन जोडे । अन्य ब्याटरले दोहोरो अंकमा रन बनाउन सकेनन् ।