४ मंसिर, काठमाडौं। मंगलबार साँझ ६ बजेका लागि बोलाइएको मन्त्रिपरिषद् बैठक स्थगित भएको छ । बैठक किन स्थगित भयो भन्ने खुलाइएको छैन ।
प्रधानमन्त्री केपी शर्मा ओलीले आज साँझ ६ बजे बस्नेगरी मन्त्रिपरिषद् बैठक बोलाएका थिए ।मन्त्रिपरिषद् बैठक स्थगित गरेर सत्ता साझेदार नेपाली कांग्रेस र नेकपा एमालेका शीर्ष नेताहरुबीच अहिले बालुवाटारमै छलफल भइरहेको छ ।
छलफलमा एमाले अध्यक्ष एवं प्रधानमन्त्री ओली, उपमहासचिव एवं प्रधानमन्त्रीका प्रमुख राजनीतिक सल्लाहकार विष्णु रिमाल र कांग्रेसका तर्फबाट सभापति शेरबहादुर देउवा, महामन्त्री गगन थापा, परराष्ट्रमन्त्री आरजु राणा देउवा सहभागी छन् ।
