७ मंसिर,कालिकोट। शुक्रवार बेलुका दैलेखमा भएको बस दुर्घटनामा परी ८ जना घाइते भएका छन् । कर्णाली राजमार्ग अन्तर्गत दैलेखको नगरपालिका –३ सिस्नेमा जुम्लाबाट टिकापुर जाँदै गरेको ना ४ ख ६०५६ नम्बरको बस ब्रेक फेल हुँदा दुर्घटना भएको थियो ।
घाइतेलाई तत्काल उपचारका लागि साङतेडामस्थित स्थानीय मेडिकलमा पठाइएको छ भने अन्य २० जना सामान्य घाइतेलाई पनि उपचारका लागि व्यवस्था गरिएको इलाका प्रहरी कार्यालय राकम कर्णालीले जनाएको छ ।
अन्य यात्रुहरू सामान्य घाइते भएका छन्। बसमा कति यात्रु सवार थिए भन्ने खुलिनसकेको र विवरण संकलनको कार्य भइरहेको छ। प्रहरीका अनुसार बस भित्तामा ठोकिएको अवस्थामा छ। दुर्घटनाको कारण बसको ब्रेक फेल भएको बताइएको छ।
