१६ मंसिर, काठमाडौँ। न्युजिल्यान्ड भ्रमणमा रहेको पाहुना टोली इंग्ल्यान्डले तीन खेलको टेस्ट सिरिजअन्तर्गतको पहिलो टेस्ट जितेको छ।
आइतबार बिहान सम्पन्न खेलमा इंग्ल्यान्डले न्युजिल्यान्डलाई ८ विकेटले पराजित गर्दै सिरिजमा १-० को अग्रता बनायो। क्राइसचर्चमा भएको टेस्टको चौथो दिन इंग्ल्यान्डले जितका लागि १ सय ४ रनको लक्ष्य पाएकोमा त्यसलाई दुई विकेट गुमाएर प्राप्त गरेको थियो ।
त्यसमा ज्याक बेथेलले ५० रन बनाए र नटआउट रहे । यस्तै नकआउट अर्को ब्याटर जोए रुटले २३ रनको योगदान दिए । यसअघि न्युंजिल्यान्ड आफ्नो दोस्रो इनिङ्समा २ सय ५४ र बनाएर अलआउट भएको थियो ।
त्यसमा ड्यारल मिचेलको ८४ रननै सर्वाधिक ठूलो व्यक्तिगत स्कोर रह्यो । इंग्ल्यान्डका लागि भने ब्रेडन कार्सले ४२ रनमा छ विकेट लिए । उनले समग्रमा टेस्टमै १० विकेट लिए र ‘प्लेयर अफ द म्याच’ भए ।
यसअघि न्युजिल्यान्डले आफ्नो पहिलो इनिङ्समा ३ सय ४८ रन बनाएयता इंग्ल्यान्डले जवाफमा ४ सय ९९ रन बनाएको थियो । यससँगै इंग्ल्यान्ड तीन टेस्टको सिरिजमा १–० ले अगाडि रह्यो । अब दोस्रो टेस्ट शुक्रबार वेलिङटनमा सुरु हुनेछ ।
