१८ मंसिर, काठमाडौं। राष्ट्रिय स्वतन्त्र पार्टीका सभापति रवि लामिछानेलाई आज चितवन लगिएको छ ।

साहरा चितवन सहकारी लिमिटेडको रकम हिनामिना गरेको आरोपमा चितवन प्रहरीमा मंसिर ५ गते पूरक निवेदन दर्ता भएपछि बयानका लागि उनलाई काठमाडौँबाट चितवन लगिएको हो ।

जिल्ला सरकारी वकिल कार्यालय काठमाडौँमा लामिछानेको हिजो बयान सकिएको थियो । उनलाई जिल्ला अदालतले चितवनमा बयानका लागि स्वीकृति समेत दिइसकेको छ।

लामिछानेविरुद्ध प्रहरीले सहकारी ठगी, संगठित अपराध, सम्पत्ति शुद्धीकरण र किर्तेलगायतका मुद्दामा अनुसन्धान गरिरहेको छ । २ कात्तिकमा काठमाडौंस्थित पार्टी केन्द्रीय कार्यालयबाट पक्राउ परेका लामिछानेमाथि पोखरा, बुटवल, चितवन र काठमाडौंका चार सहकारीको बचत ठगी आरोपमा प्रहरीले अनुसन्धान गरिरहेको छ ।