१९ मंसिर,काठमाडौं। राष्ट्रपति रामचन्द्र पौडेल अस्पताल भर्ना भएका छन् ।
पौडेल बुधबार बिहान त्रिवि शिक्षण अस्पताल भर्ना भएका हुन्। प्रोस्टेट सम्बन्धी उपचारका लागि अस्पताल भर्ना गरिएको निमित्त कार्यकारी निर्देशक प्राध्यापक डा. घनश्याम गुरुङले जनाएका छन्।
राष्ट्रपति पौडेल लामो समयदेखि प्रोस्टेट सम्बन्धी समस्याबाट पीडित छन्। उनी औषधि सेवन गर्दै आएका थिए। यस पटक प्रोस्टेटको शल्यक्रिया गरिने जनाइएको छ। अस्पतालका अनुसार, आजै शल्यक्रिया गर्ने तयारी गरिएको छ।
