१९ मंसिर,काठमाडौं। गाँजा बोकेका दुई वटा गाडीलाई नियन्त्रणमा लिन सुनसरी प्रहरीले गोली चलाएको छ।
मंगलबार राति इलाका प्रहरी कार्यालय धरानबाट खटिएको टोलीले चार राउण्ड गोली चलाएर ६९० किलो गाँजा बरामद गरेको जिल्ला प्रहरी कार्यालय सुनसरीका डिएसपी रामप्रसाद तिमल्सिनाले जानकारी दिए।
दुई वटा गाडीमा गाँजा बोकेको फेला पारेपछि प्रहरीले नियन्त्रणमा लिन खोजेको थियो। तर भाग्न खोजेपछि प्रहरीले चार राउण्ड गोली चलाएर एक जनालाई पक्राउ गरेको थियो। पक्राउ पर्नेमा श्यामकुमार विश्वकर्मा छन् । फरार अर्का चालकको खोजी भइरहेको छ ।
