२० मंसिर,काठमाडौं। नेपाल प्रिमियर लिग (एनपीएल)मा बिहीबार दुई हुँदैछन्। आजको पहिलो खेलमा पोखरा एभेन्जर्स र जनकपुर बोल्ट्स खेल्न लागेका हुन्।
दुई टोलीबीच खेल कीर्तिपुरस्थित त्रिवि क्रिकेट मैदानमा बिहान ९ बजेबाट सुरु हुनेछ। एनपीएलमा लगातार दुई खेल जितेको जनकपुर अपराजित यात्रालाई कायम राख्ने योजनामा मैदान उत्रिँदै छ। पोखरा आज पहिलो जितको खोजीमा हुनेछ। जनकपुरले यसअघि विराटनगर किंग्स र कर्णाली याक्सलाइ पराजित गरेको थियो भने पोखरा चितवन राइनोजसँग पराजित भएको थियो।
जनकपुर तेस्रो जीतका लागि र पोखरा पहिलो जितका लागि मैदानमा उत्रँदै छन्। जनकपुरको नेतृत्व अनिल साहले गर्दै छन् भने पोखराबाट कुशल भुर्तेलले नेतृत्व गर्नेछन्। आजै हुने दिनको दोस्रो खेलमा काठमाडौं गुर्खाज र सुदूरपश्चिम रोयल्स भिड्दै छन्। सो खेल दिउँसो १ बजे सुरु हुनेछ।
