२० मंसिर, काठमाडौं। नेपाल प्रिमियर लिग (एनपीएल) अन्तर्गतको दोस्रो खेलमा काठमाडौं गुर्खाजले सुरुमा बलिङ गर्ने भएको छ ।
त्रिवि मैदानमा टस जितेको काठमाडौंका कप्तान करण केसीले सुदूरलाई ब्याटिङको निम्तो दिँदै बलिङ गर्ने निर्णय लिएका हुन् । काठमान्डु र सुदूरपश्चिम दुवै लगातार जितको लक्ष्यमा छ । सुदूरपश्चिमले पहिलो खेलमा विराटनगर किंग्सलाई हराएको थियो । उता पहिलो खेलमा चितवन राइनोजसँग पराजित भएको काठमान्डुले त्यसपछि दोस्रो खेलमा कर्णाली याक्सलाई पराजित गरेको थियो ।
