२१ मंसिर, काठमाडौं। नेपाल प्रिमियर लिग (एनपिएल)मा पोखरा एभेन्जर्सले लुम्बिनी लायन्सलाई १० विकेटले पराजित गरेको छ। जितसँगै एनपिएलमा पोखरा १० विकेटले विजयी हुने पहिलो टोली बनेको छ।
टस जितेर ब्याटिङ रोजेको लुम्बिनीले निर्धारित २० ओभरमा ५ विकेटको क्षतिमा १७० रनको योगफल खडा गरेको थियो। पोखराले एन्ड्रीस गाउजको सतकीय इनिङको मद्तले १६.५ ओभरमा विनाविकेट गुमाई १७१ रनको लक्ष्य पूरा गर्यो। गाउजले अविजित १०४ रन बनाए। जारी प्रतियोगितामा यो पहिलो सतक हो।
पोखराको जितमा आन्द्रेसले अविजित १०४ रन बनाए। उनले ५५ बल खेल्दै १२ चौका र ५ छक्का प्रहार गरे। उनी एनपीएलमा शतक प्रहार गर्ने पहिलो खेलाडी बने। त्यस्तै, दिनेश खरेलले अर्धशतकीय इनिङ्स खेले। उनले अविजित ६१ बनाउँदा ४६ बलमा ४ चौका र ४ छक्का प्रहार गरे।
