२३ मंसिर, काठमाडौं। नेपाल प्रिमियर लिग (एनपीएल) खेल्न आएका भारतीय चर्चित क्रिकेटर शिखर धवन स्वदेश फर्किएका छन्। शिखर आइतबार साँझ एयर इन्डियाको जहाजमा स्वदेश फर्किएको कर्णाली याक्सले जानकारी दिएको छ।
उनीसहित कर्णाली याक्सका सहमालिक गृहेन्द्र घिमिरेसहितको टोलीले आइतबार एभरेष्ट बेसक्याम्पको अवलोकन गरेका हुन्। उनीहरुले ३–४ घन्टा एभरेष्ट बेसक्याम्पमा विताएका थिए।
एभरेष्ट बेसक्याम्पको अवलोकनपछि शिखर आइतबार साँझ एयर इन्डियाको जहाजमार्फत स्वदेश फर्किएका छन् । यसअघि उनले एनपिएलका क्रममा पशुपति नाथ दर्शन गरेका थिए । शिखरले आउँदो मार्चमा नेपालको भ्रमणमा आउने चाहना व्यक्त गरेका छन्।
यसअघि उनले पशुपति दर्शन पनि गरेका थिए। शिखरले आउँदो मार्चमा फेरि नेपाल भ्रमणमा आउने चाहना व्यक्त गरेका छन्। उनी जारी एनपिएल खेल्ने भारतको राष्ट्रिय टोलीबाट खेलेका एक मात्र खेलाडी हुन्। एनपिएलमा उनीसँगै न्युजिल्यान्डका जिमी निशम, अस्ट्रेलियाका बेन कटिङ र पाकिस्तानका सोहेल तन्विर जस्ता चर्चित खेलाडी आएका छन्। उनीहरूले भने सिजनका पूरै खेल खेल्नेछन्।
धवन नोभेम्बर २९ मा नेपाल आएका थिए। एनपिएल उद्घाटनमा सहभागी भएका उनले पशुपतिनाथको दर्शक समेत गरेका थिए।
