काठमाडौं। डिसेम्बर ५ मा रिलिज भएको अल्लु अर्जुन र रश्मिका मन्दाना स्टारर फिल्म ‘पुष्पा २ : द रुल’ ले लगातार बक्स अफिसमा नयाँ रेकर्ड कायम गरिरहेको छ ।
फिल्मले हिन्दी भाषामा तेस्रो दिन २०५ करोड भारतीय रुपैयाँ कमाएर शाहरुख खानको फिल्म जवान र एनिमलको रेकर्ड तोडेको छ । अब यो फिल्म हिन्दी भारतमा तेस्रो दिनमा सबैभन्दा धेरै कमाउने फिल्म बनेको छ । जहाँ सबै ६ भाषामा फिल्मले तेस्रो दिन भारतमा ३८७.९५ करोड र विश्वभर ५९८.९० करोड भारु कमाएको छ ।
पहिलो तीन दिनमा हिन्दी बेल्टमा २ सय ५ करोड कमाएर चलचित्रले १८० करोड कमाउने शाहरुखको जवानको कीर्तिमान तोडेको छ । यसपछि रणवीर कपूर स्टारर फिल्म एनिमलले तीन दिनमा १७६.८५ करोड कमाएको थियो । शाहरुखकै फिल्म पठानले ३ दिनमा १६१ करोड कमाएको थियो ।
तीन दिनमा हिन्दीमा सबैभन्दा धेरै कमाउने शीर्ष १० चलचित्रहरू-
पुष्प २ (हिन्दी) – २०५ करोड
जवान – १८०.४५ करोड
एनिमल- १७६.५८ करोड
पठान – १६१ करोड
टाइगर ३ – १४४.५० करोड
केजीएफ २ (हिन्दी) – १४३.६४ करोड
स्त्री २- १३६.४० करोड
गदर २- १३४.८८ करोड
बाहुबली २ (हिन्दी) – १२८ करोड
सञ्जु – १२०.०६ करोड
