काठमाडौँ । गायिका स्मिता दाहालको विवाहमा भारतीय प्रधानमन्त्री नरेन्द्र मोदीले शुभकामना सन्देश पठाएका छन् । आमा गंगा दाहालले फेसबुकमार्फत प्रधानमन्त्री मोदीको शुभकामना सन्देश सार्वजनिक गरेकी हुन् ।
स्मिताकी आमासमेत रहेकी गंगा दाहाललाई मोदीले शुभकामना सन्देश पठाउँदै नवविवाहित जोडीलाई शुभकामना दिएका हुन् । मोदीले ६ डिसेम्बरमा भएको विवाह समारोहमा निम्तो दिएकोमा कृतज्ञता समेत व्यक्त गरेका छन् ।
मोदीले सन्देशमा स्मिताका हजुरबा समेत रहेका पूर्वप्रधानमन्त्री पुष्पकमल दाहाल प्रचण्डलाई पनि शुभकामना दिएका छन् । मोदीले सन्देशमा स्मिता र सायुज्यलाई वैवाहिक जीवनको शुभकामना दिएका हुन् ।
