२५ मंसिर,काठमाडौँ। प्रधान सेनापति अशोक राज सिग्देल भारत प्रस्थान गरेका छन्।
भारतका स्थल सेनाध्यक्ष जनरल उपेन्द्र द्विवेदीको औपचारिक निमन्त्रणामा प्रधान सेनापति सिग्देल आज नयाँ दिल्ली प्रस्थान गरेका हुन्। उनले मंसिर २६ गतेदेखि मंसिर २९ गतेसम्म भारतको औपचारिक भ्रमण गर्ने कार्यतालिका रहेको छ।
यसअघि मंसिर ५ गते पाँच दिने सेनाध्यक्ष द्विवेदी नेपाल औपचारिक भ्रमणमा आएका थिए । मानार्थ महारथीको दर्जा ग्रहण गर्ने प्रचलन अनुसार उनी नेपाल आइपुगेका थिए । भारतमा पनि नेपाली सेनाका प्रधान सेनापतिले मानार्थ महारथीको दर्जा दिने गरेको छ । उनले मंसिर ६ गते राष्ट्रपति रामचन्द्र पौडेलबाट मानार्थ महारथी दर्जाको चिन्ह प्रदान गरेर मंसिर ९ गते फर्किएका थिए ।
