२७ मंसिर, काठमाडौं। भारतको औपचारिक भ्रमणमा रहेका प्रधानसेनापति अशोकराज सिग्देलले बुधबार भारतीय स्थल सेनाध्यक्ष उपेन्द्र द्विवेदीसँग शिष्टाचार भेटघाट गरेका छन्।
साथै, प्रधान सेनापतिले भारतीय राष्ट्रिय सुरक्षा सल्लाहकार अजित डोभल, रक्षा सचिव र विदेश सचिवलगायतसँग छुट्टाछुट्टै भेटघाट गरेका छन्।
आजै प्रधान सेनापति सिग्देलले भारतको नयाँ दिल्लीस्थित राष्ट्रिय समर स्मारकमा पुष्प गुच्छा चढाइ वीर शहीदहरूप्रति श्रद्धाञ्जली अर्पण गरेका थिए। त्यसैगरी उनको सम्मानमा भारतीय सेनाको एक टुकडीले सम्मान गारत अर्पण गरेको थियो ।
