३० मंसिर, काठमाडौं। प्रधानसेनापति अशोकराज सिग्देल स्वदेश फर्किएका छन् ।
भारतका स्थल सेनाध्यक्ष जनरल उपेन्द्र द्विवेदीको औपचारिक निमन्त्रणामा भारत भ्रमणमा रहेका सिग्देल आइतबार स्वदेश फिर्ता भएका हुन् ।
सिग्देललाई त्रिभुवन अन्तर्राष्ट्रिय विमानस्थलमा बलाध्यक्ष रथी प्रदीपजङ्ग केसीले स्वागत गरेका थिए ।
भारत भ्रमणको क्रममा सिग्देललाई भारतीय राष्ट्रपति द्रौपदी मुर्मुले राष्ट्रपति भवनमा आयोजित समारोहमा भारतीय स्थल सेनाको मानार्थ महारथी दर्जा प्रदान गरेकी थिइन् ।
उनी यही मंसिर २६ गते भारत प्रस्थान गरेका थिए ।
