१ पुस,काठमाडौं। नेपाल प्रिमियर लिग (एनपीएल) को प्लेअफ समीकरण पूरा भएको छ ।
हाल जारी खेलमा सुदूरपश्चिम रोयल्सले १२ ओभर दुई बलभित्र कर्णाली याक्सले दिएको लक्ष्य पूरा नगरेपछि कर्णाली प्लेअफ पुग्ने चौथो तथा अन्तिम टोली बनेको हो ।
योसँगै काठमान्डु गुर्खाजको प्लेअफ खेल्ने सम्भावना सकिएको छ । आजको खेलमा कर्णाली १२.२ ओभरभित्र पराजित भएको भए काठमान्डु गुर्खाजले प्लेअफ खेल्न पाउने थियो ।
जनकपुर बोल्ट्स, चितवन राइनोज, सुदूरपश्चिम रोयल्स र कर्णाली याक्स प्लेअफमा पुगेका छन् ।
