४ पुस, काठमाडौं। नेपाल प्रिमियर लिग (एनपीएल) क्रिकेट प्रतियोगिताअन्तर्गत आज भएको दोस्रो क्वालिफायर खेलमा कर्णाली याक्सविरुद्ध जनकपुर बोल्ट्सले खराब ब्याटिङको सुरुवात गरेको छ ।
कीर्तिपुरस्थित त्रिवि क्रिकेट मैदानमा कर्णालीले दिएको एक सय १९ रनको लक्ष्य पछ्याउने क्रममा जनकपुरले पावर प्लेमै ओपनरद्वयसहित ३ विकेट गुमाएको हो । ओपनर शुभ कंसाकार ६ बलमा ३ रन जोडेर आउट हुँदा कप्तान आशिफ शेख ४ रन तथा लाहिरु मिलान्था २ रनमै समेटिए । यता कर्णालीका कप्तान सोमपाल कामी, विलियम बोसिस्टो र विपिन शर्माले समान एकएक विकेट लिए ।
