५ पुस, काठमाडौँ। नेपाली महिला फुटबल टोलीको उमेर समूहले पहिलो पटक भुटानसँग लज्जास्पद प्रदर्शन गरेको छ ।
अहिलेसम्म नहारेको नेपाली टोलीले यू–१६ समूहमा घरेलु मैदानमै भुटानसँग लज्जास्पद हार बेहोरेको हो । त्रिपुरेश्वरस्थित दशरथ रंगशालमा शुक्रबार भएको खेलमा नेपाल भुटानसँग ५-१ ले पराजित भएको हो ।
पहिलो हाफमा घरेलु टोली नेपाल भुटान सँग ३-० ले पछि परेको थियो भने दोस्रो हाफमा भुटानले दुई गोल गर्दा नेपालले एक गोल गोल फर्काएको थियो ।
कुएनदेनले २५औं मिनेटमा गोल गर्दै भुटानलाई अग्रता दिलाएकी थिइन् । त्यसपछि छिरिङले ३६औं र ४०औं मिनेटमा ऊवल गरेपछि भुटानले पहिलो हाफमै तीन गोलको अग्रता नायो । ६६औं मिनेटमा कुएनदेङले व्यक्तिगत दोस्रो गोल गर्दा उग्येनले ८४औं मिनेटमागोल गर्दै भुटानलाई ५-० को अग्रता दिलाइन् । नेपालका लागि सबिनाले ८६औं मिनेटमा एक गोल गरिन् ।
