५ पुस, दोलखा। लामोसाँघु-जिरी सडकअन्तर्गत दोलखाको भीमेश्वर नगरपालिका-६ महादेव खोला नजिकै जिपले ठक्कर दिँदा एक जनाको मृत्यु भएको छ ।
मृत्यु हुनेमा भीमेश्वर नगरपालिका-६ चोथाङका ५४ वर्षीय ज्ञानबहादुर तामाङ रहेको प्रहरीले जनाएको छ । सिन्धुपाल्चोकबाट दोलखा आउँदै गरेको प्रदेश नम्बर ३०१–०२४ च २६०४ नम्बरको हाइलक्सले भिमेश्वर नगरपालिका –६ महादेव खोलामा उनलाई ठक्कर दिएको थियो।
घाइतेलाई उपचारका लागि चरिकोटस्थित च्छोरोल्पा जनरल अस्पतालमा लगिएको थियो। उपचारका क्रममा उनको मृत्यु भएको प्रहरी कार्यालय दोलखाले जनाएको छ।
