६ पुस,काठमाडौँ। मधेश प्रदेशका मुख्यमन्त्री सतिशकुमार सिंह नेपाल प्रिमियर लिगमा शनिबार (आज) हुने फाइनल खेल हेर्न काठमाडौँ पुगेका छन्।
लिग अन्तर्गत आज हुने सुदूर पश्चिम रोयल्स र जनकपुर बोल्ट्सबीचको उपाधि भिडन्तमा जनकपुरलाई समर्थन गर्न उनी कीर्तिपुरस्थित त्रिवि क्रिकेट मैदान पुग्ने भएका हुन्।
नेपाली क्रिकेटको महाकुम्भ एनपिएलको फाइनल खेल त्रिवि क्रिकेट मैदान कीर्तिपुरमा दिउँसो १२ः१५ बजे सुरु हुनेछ । सुदूरपश्चिम रोयल्सको कप्तानमा दीपेन्द्रसिंह ऐरी छन् भने जनकपुर बोल्ट्सको कप्तानमा आशिफ शेख रहेका छन् । दुवै टोलीले उपाधि हात पार्ने लक्ष्यसहित मैदानमा उत्रदै छन् । फाइनल खेल रोमाञ्चक बन्ने अपेक्षा गरिएको छ ।
