८ पुस, काठमाडौं। नेपाली कांग्रेसका सभापति शेरबहादुर देउवाले केन्द्रीय नीति, अनुसन्धान तथा प्रशिक्षण प्रतिष्ठानका कार्यकारी निर्देशक डा. बुद्धिमान श्रेष्ठलाई निजी निवासमै पद तथा गोपनीयताको शपथग्रहण गराएका छन् ।
आइतबार पार्टी उपसभापति एवं केन्द्रीय नीति, अनुसन्धान तथा प्रशिक्षण प्रतिष्ठानका प्रमुख पूर्णबहादुर खड्काले कांग्रेसको विधान, २०१७ (संशोधन सहित) को धारा ३६ तथा नेपाली कांग्रेसको नियमावली, २०७६ को परिच्छेद १२, नियम ३३ बमोजिम गठित केन्द्रीय नीति, अनुसन्धान तथा प्रशिक्षण प्रतिष्ठानको कार्यकारी निर्देशकको पदमा गोरखाका श्रेष्ठलाई नियुक्त गरेका थिए ।
पार्टीका औपचारिक कार्यक्रम केन्द्रीय कार्यालयमा हुने गरे पनि देउवाले निजी निवासमै श्रेष्ठलाई शपथ गराएका हुन् । उपसभापति पूर्णबहादुर खड्का प्रमुख रहेको प्रतिष्ठानले देशभर पार्टी प्रशिक्षण र अनुसन्धानसहितका काम गर्छ ।
