एजेन्सी। जापान एयरलाइन्समाथि साइबर आक्रमण भएको छ । बिहीबार भएको यस आक्रमणका कारण कम्पनीको केही घरेलु र अन्तर्राष्ट्रिय उडानमा ढिलाइ भएका थिए ।
जापान एयरलाइन्समाथि साइबर आक्रमण भएको छ । बिहीबार भएको यस आक्रमणका कारण कम्पनीको केही घरेलु र अन्तर्राष्ट्रिय उडानमा ढिलाइ भएका थिए । एयरलाइन्सको ब्यागेज चेक-इन प्रणालीमा समस्याहरूले धेरै जापानी विमानस्थलमा दर्जनभन्दा बढी उडानमा ढिलाइ भएको तर कुनै सामूहिक रद्द वा ठूलो अवरोध नभएको सार्वजनिक प्रसारक एनएचकेले बतायो।
प्रणालीमा समस्या गराउने राउटर आंशिक रूपमा बन्द गरेको अनि बिहीबार छुट्ने उडानको लागि टिकटको विक्री पनि रोकेको कम्पनीले बताएको छ । जापानका अन्य प्रमुख विमान सेवा प्रदायक एएनए होल्डिङ्सको प्रणालीमा भने आक्रमणको सङ्केत नदेखिएको कम्पनीका प्रवक्ताले भनेका थिए ।
