१२ पुस,काठमाडौं। प्रिमियर लिगको शीर्ष स्थानको लिभरपुलले लेस्टर सिटी विरुद्ध ३-१ को पुनरागमन जित हात पारेको छ । यस जितपछि लिभरपुलले शीर्ष स्थानमा ७ अंकको अग्रता समेत बनाएको छ ।
लिभरपुलको घरेलु मैदानमा एनफिल्डमा भएको खेलमा जोर्डन आयुले छैटौं मिनेटमै गोल गर्दै लेस्टर सिटीलाई अग्रता दिलाएका थिए । तर पहिलो हाफको इन्जुरी टाइममा कोडी गाक्पोले लिभरपुलका लागि बराबरी गोल फर्काए ।
दोस्रो हाफको सुरुमै लिभरपुलले अग्रता लियो । ४९औं मिनेटमा कर्टिस जोन्सले गोल गर्दै लिभरपुलले २-१ को अग्रता बनायो । ८२औं मिनेटमा गाक्पोको पासमा मोहमद सालाहले गोल गर्दै लिभरपुलको जित पक्का गरे ।
जितपछि लिभरपुलले १७ खेलबाट ४२ अंक जोडेको छ । लिभरपुलले दोस्रो स्थानको चेल्सीभन्दा अझै १ खेल कम खेलेको छ । १८ खेलबाट चेल्सीको ३५ अंक छ । फुलहामले सन् १९७९ पछि चेल्सीलाई घरेलु मैदानमा हराएको हो। फुलहामलाई जिताउने क्रममा रोड्रिगो मुनिजसुले खेलको ९५औं मिनेटमा गोल गरेका थिए। सन् २००३ पछि चेल्सीले घरेलु मैदानमा ९० मिनेटपछि गोल बेहोरेर हारेको यो पहिलो पटक हो।
गएराति नै भएको खेलमा म्यानचेस्टर युनाइटेड वुल्भरह्याम्पटनसँग अवे मैदानमा २-० ले पराजित भएको छ।
