१४ पुस, एजेन्सी। दक्षिण कोरियाको मुआन अन्तर्राष्ट्रिय विमानस्थलमा १८१ यात्रु सवार विमान दुर्घटना भएको खबर छ।
दक्षिण कोरियाको मुआन अन्तर्राष्ट्रिय विमानस्थलमा एक विमान दुर्घटना भएको हो । उक्त विमानमा १८१ यात्रु सवार थिए । उक्त विमान अवतरणका क्रममा रनवेमा चिप्लिएर एक पर्खालमा ठोक्किएको बीबीसीले उल्लेख गरेको छ । दक्षिण कोरियाको समाचार एजेन्सी योनहेपका अनुसार धुवाँको मुस्लो निस्किएको तस्विरुर र भिडियो सामाजिक सञ्जालमा भाइरल भएको छ ।
उक्त घटनामा हताहत हुनेको संख्या यकिन भएको छैन । यद्यपि, कम्तिमा २८ जनाको मृत्यु भएको योनहेपले जनाएको बीबीसीले उल्लेख गरेको छ । विमानमा चरा ठोक्किएर दुर्घटना भएको बताइएको छ । उद्धारकर्ताहरूले विमानको पछिल्तिरको भागबाट यात्रुहरूलाई बाहिर निकालेको बताइएको छ ।
