१४ पुस, ताप्लेजुङ। प्रहरीले प्रतिबन्धित लागु औषधसहित तीन जनालाई ताप्लेजुङबाट पक्राउ गरेको छ ।
जिल्ला प्रहरी कार्यालय ताप्लेजुङका प्रहरी निरीक्षक रोहितकुमार शर्माका अनुसार उनीहरुलाई फुङलिङ नगरपालिका वडा नं ४ गोसलाईन क्षेत्रबाट नियन्त्रणमा लिइएको हो ।
पक्राउ पर्नेमा फुङलिङ नगरपालिका वडा नं ४ का २१ वर्षीय सोनुहाङ लिम्बू, वडा नं ८ का २१ वर्षीय राम तामाङ, वडा नं ७ का २० वर्षीय सुमन तामाङ छन् ।
पक्राउ परेकामध्ये सोनुहाङको साथबाट १६ पिस ट्रामाडोल र स्पास्पेन १६ ट्याब्लेट फेला परेको छ । यस्तै सुमनको साथबाट २ पिस ट्रामाडोल र २ ट्याब्लेट स्पास्पेन फेला परेको शर्माले जानकारी दिए ।
