काठमाडौँ। नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरी ओमोडा एन्ड जेइकोको ब्रान्ड एम्बेसडरमा नियुक्त हुनुभएको छ ।
एसपिजी अटोमोबाइल्सले सोमबार ऐरीलाई आफ्नो ब्रान्ड एम्बेसडर नियुक्त गरेको हो । ऐरी र ओमोडा एन्ड जेइकोको नेपालका लागि आधिकारिक बिक्रेता शारडा ग्रुप एसपिजी अटोमोबाइल्स प्रालिबिच सोमबार सम्झौता भएको छ ।
साथै ऐरीलाई ओमोडा ई फाइभ हस्तान्तरणसमेत गरिएको छ । ऐरीले हालै सम्पन्न भएको नेपाल प्रिमियर लिग (एनपिएल) उत्कृष्ट नेपाली खेलाडी घोषित हुँदै कार जितेका थिए ।
उक्त कार पाएबापत लाग्ने सम्पूर्ण कर (करिब १५ लाख रुपैयाँ) पनि कम्पनीले बेहोर्ने जनाइएको छ । ९९ किलोवाट मोटर रहेको उक्त गाडीमा ६१ किलोवाट आवरको ब्याट्री रहेको छ । कम्पनीका अनुसार यसले ४३० किलोमिटरको रेन्ज दिन्छ ।
