१६ पुस,काठमाडौँ। सहकारी ठगी, संगठित अपराध र सम्पत्तिसुद्धीकरण मुद्दामा पक्राउ परेका रवि लामिछानेसहित सबै प्रतिवादीको बयान सकिएको छ ।
कास्की जिल्ला अदालतका न्यायाधीश नितिज राईको इजलासमा प्रतिवादीहरुको बयान सकिएको हो । बयान सकिएसँग आजैबाट उनीहरुको थुनछेक बहस सुरु भएको छ ।
जिल्ला न्यायाधीश नीतिज राईको इजलासमा छविलाल जोशी, लीला पछाई, रवि लामिछाने, रामबहादुर खनाल, कृष्णबहादुर गुरुङ, मिना गुरुङ र आरती गुरुङको बयान लिइएको थियो ।
यसअघि पुस ७ मा सातैजनाविरुद्ध १ अर्ब ५१ करोड रुपैयाँ बिगो दाबी गर्दै कास्की अदालतमा पूरक अभियोग दर्ता भएको थियो । पुस ८ बाट प्रतिवादीको बयान लिन सुरु गरिएको थियो । जाहेरवालाको तर्फबाट जिल्ला सरकारी वकिल कार्यालयले सातै जनालाई नै पुर्पक्षका लागि कारागार चलान गर्नुपर्ने माग गरेको छ । थुनछेक बहसपछि इजलासले पुर्पक्षका लागि कारागार चलान गर्ने, धरौटीमा छाड्ने वा साधारण तारेखमा छाड्ने भन्ने आदेश दिनेछ ।
