१६ पुस,उदयपुर। जिल्ला प्रहरी कार्यालय उदयपुरबाट खटिएको प्रहरी टोलीले यही पौष १३ गते शुक्रवार उदयपुरगढी गाउँपालिका १ धेप्छेबाट ५४ केजी गाँजासहित १ जनालाई पक्राउ गरेको छ ।
विशेष सूचनाको आधारमा खटिएको प्रहरी टोलीले गाँजा बोकेर हिँड्दै गरेको अवस्थामा उदयपुरको ताप्ली गाउँपालिका वडा नं- १ बस्ने वर्ष ३६ को चित्र बहादुर मगरलाई गाँजासहित पक्राउ गरेको हो ।
पक्राउ गरिएका निज चित्र बहादुर मगरलाई उदयपुर जिल्ला अदालतबाट ५ दिनको म्याद थप गरी अनुसन्धान भईरहेको जिल्ला प्रहरी कार्यालय उदयपुरले जनाएको छ ।
