१६ पुस,काठमाडौं। प्रतिनिधि सभाको सचिवमा हर्कराज राई नियुक्त भएका छन् ।
राष्ट्रपति रामचन्द्र पौडेलले राईलाई मङ्गलबार सचिव नियुक्त गरेका हुन् । प्रतिनिधि सभा सचिव बनाउन राईलाई सभामुख देवराज घिमिरेले सिफारिस गरेका थिए । राई भौतिक पूर्वाधार मन्त्री देवेन्द्र दाहालका सल्लाहकार पनि थिए ।
सभामुख देवराज घिमिरेले गत आइतबार राष्ट्रपति पौडेलसँग भेट गरी सचिव नियुक्तिका लागि सिफारिस गरेका थिए। प्रतिनिधि सभाका सचिव सुरेश अधिकारीले २०८१ मंसिर ९ गते राजीनामा दिएपछि रिक्त भएको पदमा सभामुख घिमिरेले आफ्नै गृहजिल्ला झापाका राईलाई सिफारिस गरेका थिए।
