२२ पुस, जनकपुरधाम। मधेस प्रदेशको प्रदेशसभा बैठक झण्डै चार महिनापछि मंगलबार बस्दै छ।
सोमबार प्रदेशसभा सचिवालयले एक सूचना जारी गर्दै प्रदेशसभाको चौथो अधिवेशन आह्वान गरेको जनाएको हो। प्रदेशसभाका सचिव बासु प्रसाद कोइरालाले पुस २३ गते दिउँसो १ बजेका लागि प्रदेशसभा बैठक आह्वान गरिएका जनाएका हुन्।
गत भदौ २९ गते प्रदेशसभाको तेस्रो अधिवेशनको ३४ औँ बैठक बसेको थियो। प्रदेशसभाका सचिव कोइरालाले मंगलबारको बैठकमा प्रदेश प्रमुखबाट आएको मधेस प्रदेशसभाको चौथो अधिवेशन आह्वान सम्बन्धी पत्र पढेर सुनाउने कार्यसूची रहेको जनाए।
