२३ पुस, काठमाडौं। नेकपा (एमाले)ले १४ बुँदे समसामयिक प्रस्ताव पारित गरेको छ । मंगलबार सकिएको केन्द्रीय कमिटी बैठकले १४ प्रस्ताव पारित गरेको हो ।
जसमा सरकारलाई गर्नुपर्ने कामबारे केही सुझाव दिएको छ । बैठकले सत्तारूढ दलहरूबीचको आपसी समझदारी सुदृढ बनाउन शुभकामना पनि दिएको छ । ८० को दशकलाई समृद्धि र रोजगारी सिर्जनाको दशकका रूपमा अघि बढाउन सरकारलाई आग्रह पनि गरेको छ ।
‘संविधानका प्रगतिशील अन्तरवस्तुहरूको संरक्षण र राजनीतिक स्थायित्वलाई सुनिश्चित गर्ने गरी बृहत् समझदारी र सहभागितामा संविधानको समयानुकूल संशोधनको प्रक्रिया अगाडि बढाउन सरकारसँग आग्रह गर्दछ,’ एमालेको निर्णयमा भनिएको छ । बैठकले विभिन्न १४ बुँदे निर्णय पनि गरेको छ ।
