काठमाडौं। चिनियाँ अधिकारीहरूले भिडियो–सेयरिङ प्लेटफर्म टिकटकले चीनबाट तत्काल विनिवेश गर्नुपर्ने अमेरिकी कानूनको सामना गरिरहेको बेला अर्बपति एलन मस्कलाई अमेरिकी टिकटक सञ्चालन बेच्ने सम्भावना खोजिरहेको ब्लुमबर्ग न्युजले सोमबार रिपोर्ट गरेको छ ।
टिकटकका प्रवक्ताले बीबीसी न्यूजलाई भने : “हामीले ‘फ्यान्टेसी’ मा टिप्पणी गर्ने अपेक्षा नगर्नुहोस्।” हालै, ब्लूमबर्गको एक रिपोर्टले दावी गरेको छ कि चिनियाँ अधिकारीहरूले यस्तो विकल्पमा विचार गरिरहेका छन् जसमा यदि अमेरिकी सर्वोच्च अदालतले एपमाथिको प्रतिबन्धलाई कायम राख्छ भने अमेरिकामा यसको व्यापार संसारको सबैभन्दा धनी व्यक्ति अर्थात् एलन मस्कलाई बेच्न सक्छ।
टिकटकले धेरै पटक यसलाई बेच्न नदिने बताएको छ। गएको महिना ट्रम्पले टिकटकको मुद्दामा फैसला ढिला गर्न सर्वोच्चलाई अनुरोध गरेका थिए । टिकटकका प्रमुख कार्यकारी अधिकारी शाउ जि चियूलाई फ्लोरिडास्थित निवासमा भेटेको एक हप्तापछि ट्रम्पले उक्त अनुरोध गरेका थिए । बीबीसीमा छापिएको समाचारबारे सोध्दा कपोकल्पित कुरामा टिप्पणी नदिने टिकटकका प्रवक्ताले भनेका थिए ।
