२ माघ, काठमाडौं। काठमाडौं महानगरपालिकाका मेयर बालेन शाहले राष्ट्रपति कार्यालयबाट जारी भएको भूमिसम्बन्धी अध्यादेशमाथि कटाक्ष गरेका छन्।
मन्त्रिपरिषद्को सिफारिसमा राष्ट्रपति रामचन्द्र पौडेलले बुधबार भूमि सम्बन्धी केही नेपाल ऐनलाई संशोधन गर्ने अध्यादेश–२०८१ जारी गरेका थिए।
सरकारमा रहेका दलहरू नेपाली कांग्रेस र नेकपा (एमाले) प्रति लक्ष्य गर्दै मेयर शाहले खोला तथा खुलामञ्चका जग्गा बाँड्न अध्यादेश ल्याएको भन्दै असन्तुष्टि जनाएका हुन्।
‘अब खोला मात्रै हैन, टुँडिखेल खुलामञ्च पनि आफ्नो कार्यकर्तालाई दिने अध्यादेश पास भएछ,’ मेयर बालेनले सामाजिक सञ्जाल फेसबुकमा पोस्ट गरेका छन्, ‘बधाई छ, सरकारमा रहेका कार्यकर्ताहरूलाई।’
