काठमाडौँ। एमएडब्ल्यू वृद्धीले माउन्टेन ईभी र टीएमआईका साैखिनहरूका लागि एक विशेष योजना ल्याएको छ । जसले आविष्कार र साहसिक कार्यका नियमहरूलाई पुनर्लेखन गर्नेछ।
यो अभियानले उन्नत प्रविधि र अतुलनीय लाभहरूको पहिले कहिल्यै नभएको मिश्रणको साथ ड्राइभिङ र अपनत्व अनुभवहरू गराउनेछ ।यस योजनाअन्तर्गत ग्राहकहरूले माउन्टेन ईभी र टीएम १ मोडलहरू खरिद गर्दा ८० प्रतिशतसम्म वित्तीय सहायताको सुविधा पाउनेछन्।
माउन्टेन ईभीको लागि न्यूनतम डाउन पेमेन्ट ९.९९ लाख रुपैयाँ र टीएम १ को लागि ५.९९ लाख रुपैयाँ मात्र तोकिएको छ, जसले विद्युतीय सवारीको स्वामित्वलाई थप सुलभ र किफायती बनाएको छ।
यसका साथै, ग्राहकहरूले एक वर्षको निःशुल्क बीमा, आर्थिक वर्ष २०८१/८२ का लागि सडक कर छुट, र घरमै सजिलै चार्ज गर्न ७ किलोवाट क्षमताको निःशुल्क चार्जरको सुविधा पाउनेछन्।
यस योजनामा थप आकर्षणस्वरूप, खरिदकर्ताले निःशुल्क एक्सेसरिज र ‘टप–अप वेस्ट भ्यालुएसन बोनस’ जस्ता विशेष लाभ पाउनेछन्, जसले उनीहरूको लगानीलाई अझ मूल्यवान बनाउनेछ। एमएडब्ल्यू वृद्धिले यो योजना विद्युतीय सवारी साधनको लोकप्रियता बढाउँदै नेपालमा नवप्रवर्तन र वातावरणमैत्री यात्रा प्रवर्द्धन गर्न ल्याएको हो।
