१४ माघ, काठमाडौं। अमेरिकी राष्ट्रपति डोनाल्ड ट्रम्पले कोलम्बियाबाट आयात हुने वस्तुमा २५ प्रतिशत कर लगाउने घोषणा गरेका छन्।
ट्रम्पले कोलम्बियाबाट आउने सबै सामानमा २५ प्रतिशत शुल्क तुरुन्त लागू हुने र एक हप्तापछि यो शुल्क ५० प्रतिशतसम्म बढाइने बताएका छन्। जवाफमा कोलम्बियाका राष्ट्रपति पेत्रोले अमेरिकी सामानमा पनि २५ प्रतिशत शुल्क लगाउने घोषणा गरेका छन्। पेत्रोले कोलम्बियामा १५ हजारभन्दा बढी अमेरिकी अवैध रूपमा बसिरहेको भन्दै उनीहरूलाई ससम्मान फर्काउने बताए।
यो विवादले दुई देश बीचको व्यापारिक सम्बन्धमा गम्भीर असर पार्नेअनुमान गरिएको छ। कोलम्बिया अमेरिकाको प्रमुख व्यापारिक साझेदार हो। त्यहाँबाट अमेरिकामा ठूलो मात्रामा कफी, तेल तथा फूलको आयात हुन्छ। विवादका कारण यी सामानहरूको मूल्य बढ्न सक्ने सम्भावना छ।
यसैबीच, ट्रम्प प्रशासनले आप्रवासन नीतिमा कडा कदम उठाउँदै अमेरिकी सीमा सुरक्षा कडा बनाउने योजना अघि बढाएको छ।
