१६ माघ, काठमाडौँ। डिल्लीबजार कारागारबाट १४ वर्षअघि भागेका कैदी पक्राउ परेका छन्।
जिल्ला प्रहरी परिसर काठमाडौंको विशेष टोलीले केशवराज बुढाथोकीलाई कारागारबाट भागेको १४ वर्षपछि पक्राउ गरेको हो । उनलाई प्रहरीको टोलीले बुधबार बिहान काठमाडौंको गोंगबुबाट पक्राउ गरेको हो ।
२०६६ सालमा ठगीको आरोपमा पक्राउ परेका उनलाई तीन वर्ष कैद सजाय तोकिएको थियो । उनी ०६७ सालमा कारागारबाट भागेका थिए । प्रहरीको विषेश टोलीले गोप्य सूचनाका आधारमा बुढाथोकीलाई पक्राउ गर्न सफल भएको हो ।
ओखलढुंगाको लिखु गाउँपालिका– २, कुवापानी घर भई हाल काठमाडौँको गोंगबु बस्दै आएका ४५ वर्षीय पेसलराज बुढाथोकी पक्राउ परेका हुन्। कारागारमा उनी नाइके थिए। प्रहरीका अनुसार, नाइकेको सुविधा दुरुपयोग गरी उनी भागेका थिए।
