१८ माघ, काठमाडौँ। आजको खेलमा नेदरल्याण्ड्सले थाइल्याण्डको सामना गर्दैछ । नेदरल्याण्ड्स र थाइल्याण्डबीचको खेल कीर्तिपुरस्थित टियु क्रिकेट मैदानमा हुदैछ ।
सिरिजमा नेदरल्याण्ड्स लगातार दोस्रो जितको खोजीमा छ । पहिलो खेल खेल्दै गरेको थाइल्याण्ड जितका साथ सिरिज सुरु गर्न चाहन्छ ।बिहीबार भएको खेलमा नेपाललाई पराजित गर्दै विजयी सुरुवात गरेको नेदरल्याड्स थाइल्यान्डविरुद्ध पनि जित निकाल्ने लक्ष्यमा हुनेछ । सिरिजको पहिलो खेलमा नेपाल त्रिवि मैदान कीर्तिपुरमा २० रनले पराजित भएको थियो ।
सिरिजमा थाइल्याण्ड र नेदरल्याण्ड्सका साथै थाइल्याण्डको सहभागिता छ । महिला टि ट्वान्टी आई वरियतामा थाइल्याण्ड १३औं र नेदरल्याण्ड्स १६औं स्थानमा छ । नेपाल भने २०औं स्थानमा छ ।
सिरिजमा सहभागी टोलीले एकअर्कासँग समान ३ पटक खेल्नेछन् । अंक तालिकाको शीर्ष स्थानमा रहने टोली विजेता बन्नेछ । नेपालले दोस्रो खेलमा शनिवार थाइल्याण्डसँग खेल्नेछ ।
