काठमाडौं। नेपाल टेलिकमले एक वर्षमा ६ अर्ब २३ करोड रुपैयाँ खुद मुनाफा गरेको छ ।
२१ औँ वार्षिकोत्सवमा कम्पनीको आर्थिक वर्ष २०८०/०८१ को कुल आयव्ययसहित विवरण सार्वजनिक गर्दै टेलिकमले कुल मुनाफा ६ अर्ब २३ करोड रुपैयाँ कमाएको जनाएको हो ।
कार्यक्रममा नेपाल टेलिकमकी प्रबन्ध निर्देशक संगीता पहाडीले मुलुकको समग्र अर्थतन्त्रमा कम्पनीको योगदान उल्लेखनीय रहेको बताइन् । चालु आर्थिक वर्षको पौष मसान्तसम्म कम्पनीले करिब रु २० अर्ब १२ करोड आय आर्जन गरिसकेको छ जनाएको छ ।
आव २०७९/८० मा कम्पनीले कर तथा शुल्क, दस्तुर, लाभांश, ग्रामीण दूरसञ्चार विकास कोष र रोयल्टी एवं श्रोतमा कट्टीकर वापत २८ अर्ब ४६ करोड सरकारी कोषमा योगदान पुर्याएकोमा समीक्षा अवधि आव २०८०/८१ मा ४१ अर्ब ५९ करोडको योगदान पुर्याएको जनाएको छ । चालु आवको छ महिनामा कम्पनीले १० अर्ब ८१ करोडभन्दा बढी योगदान गरिसकेको जनाएको छ ।
जीएसएमतर्फ २ करोड ७ लाख ७४ हजार र पीएसटीएन सेवाका ग्राहक ८७ हजार, एचटीटीफ भ्वाइस सेवा लिने ३ लाख ८० हजार रहेको टेलिकमले जनाएको छ ।
