काठमाडौं। वर्षकै प्रतिक्षित चलचित्रमध्ये एक मानिएको चलचित्र ‘लाज शरणम्’को प्रोमोसनल गीत ‘हेर्दा हेर्दैमा’ सार्वजनिक भएको छ ।
शान्तीश्री परियार र आशिष अविरलको स्वर रहेको गीतमा आनन्द अधिकारीको शब्दरचना छ । कृष्ण भारध्वजले संगीत गरेका छन् । एकअर्कामा आकर्षित भएका युवायुतीको प्रेम गीतमा समेटिएको छ । प्रेममा रहेका प्रेमी प्रेमिकाले अनुहार हेर्दै भावले उसको भावना बुझने गीतको शब्द र भिडियोले बुझाउँछ । गीतमा सरल शब्द र लय छ । एकपटक सुनेपछि सम्झन सकिने खालको गीत रहेको छ ।
फिल्ममा विजय बराल, अर्पण थापा, कमलमणि नेपाल, सीताराम कट्टेल ‘धुर्मुस’ मुकुन्द श्रेष्ठ, महेश त्रिपाठी, प्रशान्त ताम्राकार, रेणु योगी, माला लिम्बु, अर्जुन घिमिरे, सागर लम्साल, हरिश निरौला, प्रियाना आचार्य, बबिन राई, रामभजन कामत, कमलमणी नेपाललगायत कलाकारको अभिनय छ।
फिल्म आगामी फागुन १४ अर्थात् महाशिवरात्रीमाको अवसरमा प्रदर्शन हुनेछ। फिल्म कमेडी जनरामा बनेको छ। फिल्मका निर्देशक कुमार कट्टेल ‘जिग्री’ हुन्। यो कुमारको यो डेब्यु निर्देशन हो। फिल्म चर्चित टेलिफिल्म ‘सक्किगोनि’ समूहले बनाएको हो।
