काठमाडौं। झापामा महिला साथीसँग होटलमा बसेका एक युवकको मध्यराति आकस्मिक रुपमा मृत्यु भएको छ।

झापाको बिर्तामोड नगरपालिका–४ स्थित एभरेस्ट होटल एन्ड लजमा बेहोस अवस्थामा भेटिएका युवकको मृत्यु भएको हो । मृत्यु हुनेमा हल्दिबारी गाउँपालिका–१ का ३० वर्षीय सागर बेस्रा रहेको प्रहरीले जनाएको छ ।

राति करिब साढे १ बजेको समयमा उनलाई उपचारका लागि बिर्तासिटी अस्पताल लगिए पनि चिकित्सकले मृत घोषणा गरेका थिए । प्रहरीले होटल सञ्चालक र बेस्रासँग होटलमा गएकी युवतीलाई नियन्त्रणमा लिएर अनुसन्धान प्रक्रिया अगाडि बढाएको जानकारी दिएको छ ।