२६ माघ, दाङ। दाङमा भरुवा बन्दुकको गोली लागेर एक बालकको मृत्यु भएको छ।
तुलसीपुर उपमहानगरपालिका–३ ठूलासम्बा निवासी पुष्कर खत्रीको १० वर्षीय छोरा शिशिर केसीले घर नजिकै खेल्ने क्रममा बन्दुक चलाउँदा पड्केर आफ्नै ९ वर्षीय भाइ भुवन केसीको मृत्यु भएको हो ।
प्रहरीले भरुवा बन्दुक चलाएर भाइको हत्या गरेको आरोपमा मृतकका १० वर्षीय दाइ र बन्दुक लोड गरी राख्ने ६२ वर्षीय हजुरबुवा भुपेन्द्र खत्रीलाई नियन्त्रणमा लिएको जिल्ला प्रहरी कार्यालय दाङका प्रहरी निरीक्षक कविराज रोकायले जानकारी दिए।
प्रहरीले घट्नास्थलबाट एक थान भरुवा बन्दुक, ४ वटा गोली, ३२८ थान छर्रासमेत बरामद गरेको र घटनाबारे थप अनुसन्धान भइरहेको जिल्ला प्रहरी कार्यालय दाङका प्रहरी प्रवक्ता एवम् प्रहरी नायव उपरीक्षक चक्रबहादुर शाहले बताए।
